OMNIS og Handknattleiksdeild ÍR skrifa undir auglýsingasamning.

Í hálfleik á leik ÍR og Hauka skrifuðu OMNIS og handknattleiksdeild undir auglýsingasamning, þar sem OMNIS verður með auglýsingar á gólf og veggi í Austurbergi sem og á alla búninga handknattleiksdeildar.

Omnis er alhliða upplýsingatæknifyrirtæki með starfsstöðvar í Reykjavík, Reykjanesbæ, á Akranesi og í Borgarnesi. Fyrirtækið rekur fjórar verslanir og verkstæðisþjónustu fyrir einstaklinga á þessum svæðum, en er auk þess með öflugt fyrirtækjasvið sem sinnir rekstri tölvukerfa hjá fjölmörgum fyrirtækjum á suðvestur horni landsins.

Omnis leggur áherslu á að bjóða tæknibúnað og hugbúnaðarlausnir frá öllum helstu framleiðendum heims og vinnur náið með íslenskum dreifingar- og þjónustuaðilum þeirra.  Hjá fyrirtækinu starfa um 40 manns.

Heimasíða OMNIS er www.omnis.is

Erlendur Ísfeld Framkvæmdastjóri þjónustusviðs OMNIS og 

Róbert H. Hnífsdal Halldórsson fyrir framan auglýsingaskilti OMNIS

Bjarki Jóhannesson framkvæmdastjóri OMNIS og Róbert H. Hnífsdal Halldórsson handsala samninginn.